Народная Воля 77-78 / 2008

Да пабачэння, Любамір Рэгак Кіраўнік дыпламатычнай місіі Славакіі ў Беларусі Любамір Рэгак - чалавек надзвычай добразычлівы. Пра гэта літаральна ў адзін голас кажуць усе, каму давялося сутыкацца з ім за тыя два гады, што ён працаваў у Мінску. і вось, з'язджаючы з Беларусі, спадар Любамір яшчэ раз замацаваў у вачах сваіх знаёмых гэту якасць. На развітанне ён сфатаграфаваўся паасобку з кожным з гасцей, якія прыйшлі, каб сказаць яму "Да пабачэння". Не памятаю яшчэ аднаго такога дыпламата, які б знайшоў магчымасць захаваць на памяць пра працу ў Беларусі столькі фотаздымкаў. і хаця ў зале Беларускага таварыства культурных сувязяў з замежжам, дзе праходзіў прыём, утварылася доўгая чарга, ніхто не наракаў на гэта. Калі два гады таму Любамір Рэгак пачаў працаваць у Беларусі, многія думалі, што ж гэта за чалавек і як ён будзе сябе паводзіць. А спадару Любаміру было чаго асцерагацца — ягоны папярэднік Мозаф Мачышак быў вельмі сімпатычным чалавекам, які пасябраваў з многімі беларусамі. і здавалася, што перакрыць такі ўзровень добразычлівасці немагчыма. Але высветлілася, што магчыма. Любамір, які ў свой час вучыўся ў Маскве і цудоўна ведае рускую мову, цалкам мог абысціся гэтымі ведамі і ў Мінску. Але ён цвёрда вырашыў навучыцца гаварыць па-беларуску. I надзвычай хутка зрабіў гэта. і гэта сур'ёзны папрок у адрас тых чыноўнікаў, ды і наогул грамадзянам Беларусі, якія беларускую мову лічаць занадта складанай.

• Месца выхаду: Менск
• Дата выхаду: 2008-05-28
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2008 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі