Народная Воля 58-59

Альтэрнатыва кансалідацыі — параза! Ёсць людзі, якія лічаць: інтэлігенцыя, барані божа, не павінна "лезці ў палітыку", яе прызначэнне выключна ў тым, каб клапаціцца пра вечнае і прыгожае. Але ж… У Польшчы, напрыклад, менавіта Клубы каталіцкай інтэлігенцыі (КІК) далі прытулак першым арганізацыям "Салідарнасці". Кінарэжысёр Анджэй Вайда быў пасярэднікам паміж творчай секцыяй КІК і рабочымі актывістамі. Кампазітар Кшыштаф Пендэрэцкі пісаў музыку для іхніх песняў і гімнаў. Гісторык Браніслаў Герэмек і журналіст Тадэвуш Мазавецкі, таксама сябры КІК, былі дарадцамі Леха Валенсы, а потым сталі адзін — міністрам замежных спраў, другі — прэм'ер-міністрам. У Літве інтэлігенты "Саюдзіса" таксама былі ў авангардзе змагання за незалежнасць і дэмакратыю, першым прэзідэнтам постсавецкай Літвы стаў музыказнаўца Вітаўтас Ландсбергіс. А першым прэзідэнтам посткамуністычнай Чэхаславакіі быў абраны, як вядома, старшыня інтэлігенцкага Грамадзянскага Форуму драматург Вацлаў Гавел.

• Месца выхаду: Мінск
• Дата выхаду: 2010-04-16
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org