Народная Воля 54-55

Чужымі рукамі... У апошнія гады пенсіянераў пазбавілі льготнага праезду. Пенсіі простых людзей — курам на смех. Цэны на прадукты харчавання растуць не з месяца ў месяц, а з дня ў дзень. Тарыфы на жыллёва-камунальныя паслугі хутка будуць як у тых краінах, дзе заробкі ў пяць-дзесяць разоў больш вышэйшыя, чым у нас. Расслаенне грамадства на звышбагатых і жабракоў — відавочнае. Здавалася б, абураныя ветэраны павінны былі ісці з пікетам пад вокны кабінетаў высокіх начальнікаў і да хрыпаты пратэставаць супраць такой несправядлівасці. А тут група ветэранаў (праўда, мы не ведаем, колькі ў ёй было сапраўды ветэранаў вайны) прыйшла з пікетам пад вокны рэдакцыі “Народнай Волі”, а некаторыя ўдзельнікі акцыі праз хвіліну-другую з’явіліся і ў самім офісе... Калі я прыехаў у рэдакцыю, то перш-наперш спытаў: якія патрабаванні былі ў пікетчыкаў? На пакінутых у маім кабінеце транспарантах яны канкрэтна не выказаны, абвінавачванні на адрас газеты маюць агульны характар: “Долой клевету”, “Нацизм не пройдет”, “Позор фальсификаторам истории”, “Середич! Не позволим унижать ветеранов”, “Победили врагов — победим клеветников”.

• Месца выхаду: Мінск
• Дата выхаду: 2010-04-09
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org