- Kamunikat.org
- Бібліятэка
- Кнігазборы
- Калекцыі
- Іншае
Стан здароўя віцебскага актывіста КХП-БНФ Сяргея Каваленкі, які амаль 60 дзён таму пачаў галадоўку ў віцебскім СІЗА, крытычны. Ён можа памерці ў любую хвіліну... Галадоўку як знак пратэсту супраць крымінальнага пераследу Сяргей Каваленка распачаў 20 снежня мінулага года, калі стала вядома, што супраць яго распачата справа паводле артыкула 415 Крымінальнага кодэкса Беларусі — “Ухіленне ад адбывання пакарання”. Праз два дні хлопца, які праславіўся на ўсю краіну тым, што на самай высокай навагодняй ёлцы Віцебска вывесіў бел-чырвона-белы сцяг, абвінавацілі ў парушэннях адбывання рэжыму ўмоўнага пакарання (за гэты ж самы сцяг) і кінулі за краты. За час пасля 20 снежня ў жыцці Сяргея адбыўся яшчэ адзін суд — 12 студзеня яго прызналі вінаватым у нецэнзурнай лаянцы падчас адного з візітаў у будынак крымінальна-выканаўчай інспекцыі Першамайскага РАУС Віцебска, куды ён павінен быў хадзіць адзначацца. Вырак — штраф у 4 базавыя велічыні. “Буду галадаць, пакуль альбо не выйду з-за кратаў, альбо не памру”, — заявіў на тым судовым пасяджэнні Каваленка.