Над святою студняй

Паэзія Яна Чыквіна па сутнасці філасофская паэзія. Яна вяртае нашую паэзію ў лона еўрапейскай паэзіі, да вопыту Максіма Багдановіча. Экзістэнцыянальна яна адрозная ад нашай сённяшняй паэзіі, калі хочаце — нават запярэчвае яе матэрыялістычную аснову, яна ў нашай паэзіі — як бы новая планета, хоць яшчэ і не адкрытая. Паэзія Чыквіна сімвалічная, метафарычная, як і належыцца быць сапраўднай паэзіі. Я назваў паэзію Яна Чыквіна еўрапейскай паэзіяй, але ягоная “еўрапейская паэзія" наскрозь прасякнута духам беларускасці, яна еўрапейская і адначасна нацыянальная. (Масей Сяднёў, Глен Коў, ЗША) У гэтай паэзіі адбыўся сінтэз ютасічнай эстэтыкі з яе кантрастнай палярызацыяй прыгожага і нізкага, дабра і зла з мадэрнісцкім абнаўленнем паэтыкі, стылістыкі яе складанай, часам эзатэрычнай метафарыстыкі. Сёння можна сказаць таксама пра анталагічную, быційную эвалюцыю творчасці Яна Чыквіна ад характэрнай для беларускай паэзіі другой паловы XX ст. паэтызацыі і падвышэння традыцыйнага сялянскага ладу жыцця да ўзмацнення суб'ектыўнага пачатку, драматычнага пера-жывання паэтам адноснасці, нават праблематычнасці быцця чалавека ў свеце. Урэшце — спасціжэння няўстойлівасці «ўсякага дыхання» на зямлі. (Уладзімір Конан, Мінск)

• Месца выхаду: Беласток
• Дата выхаду: 2020
• Рэдактар: Тварановіч Галіна, Альштынюк Анна
• Выдавец: Беларускае літаратурнак аб’яднанне Белавежа
• Памеры: 438 с.
• ISBN: 978-83-7657-366-3
• Катэгорыя: Беларуская мова, Мастацкая літаратура, Мэтадычная літаратура
• Copyright: © 2020 by Беларускае літаратурнак аб’яднанне Белавежа
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 5035
• Дадатковая даведка: Выдадзена за кошт сродкаў Культурнага цэнтра Беларусі пры Пасольстве Рэспублікі Беларусь у Польшчы