«Межы Айчыны пазначым крывёю!» Сустрэча з Уладзімірам Арловым у Варшаве

Падчас сустрэчаў  у Польшчы, Нямеччыне, Італіі і Літве, Уладзімір Арлоў найперш прадставіць публіцы сваю новую кнігу “Айчына. Ад Агінскага да Багушэвіча” – гаворыць кіраўнік Фонду Kamunikat.org. - Яе першую частку ў мінулым годзе рэжым прызнаў „эксрэмісцкай“. Уладзімір Арлоў зачытае таксама ўрыўкі са знакамітых „Імёнаў свабоды” з 410 партрэтамі змагароў за свабоду беларускай зямлі з часоў Тадэвуша Касцюшкі да нашых дзён. Будуць таксама іншыя кнігі, выдадзеныя Фондам Kamunikat.org. У тым ліку найноўшае выданне „Ад Еўфрасінні, ад Скарыны. Таямніцы полацкай гісторыі”.

Гэту апошнюю кнігу Уладзімір Арлоў учора (31.05.) ужо  прэзэнтаваў у Беластоку падчас сустрэчы Гістарычнага Клубу Beer&History.

Далей на шляху прэзентацыяў Варшава (01.06 https://fb.me/e/uTnAxUxE), Лодзь (02.06 https://fb.me/e/4bEeWL1IA) і Кракаў (04.06 https://fb.me/e/ZiyG0ZIw), дзе у рамках Дзён Салідарнасці „Культура ў эміграцыі” Уладзімір Арлоў распавядзе пра жанчын у паўстанні Кастуся Каліноўскага.

Большасць сустрэчаў будзе праходзіць менавіта з акцэнтам на Паўстанне Кастуся Каліноўскага, 160 гадавіну якога мы адзначаем у гэтым годзе.

Ва Уроцлаве (05.06. https://fb.me/e/5PefnmNHP) творчая сустрэча з пісьменнікам і гісторыкам Уладзімірам Арловым, прысвечаная беларускай гісторыі ХІХ ст., пройдзе пад лёзунгам „Змагарнае стагоддзе”, а у Бэрліне (07.06. https://fb.me/e/YcCsnIpe) - пад паўстанскім заклікам «Межы Айчыны пазначым крывёю!» Падчас сустрэчы будуць раскрытыя новыя факты з жыцця Кастуся Каліноўскага ды малавядомыя старонкі баявых дзеянняў супраць расейскіх карнікаў. Пісьменнік раскрые гэтыя тэмы ў адкрытай размове з публікай.

Пазней у Познані (06.06. https://fb.me/e/17XSvfGo1) падчас сустрэчы „Patria aeterna. Айчына - вечная” пісьменьнік будзе распавядаць пра псіхалогію творчасьці і тое, як нараджаюцца кнігі.

На гэтым паездкі Беларускай Інтэрнэт Бібліятэкі Kamunikat.org з прэзентацыямі новых кніх Уладзіміра Арлова не закончацца. У палове чэрвеня пісьменнік сустрэнецца з беларускай дыяспарай у Мілане, Балоніі і Рыме ў Італіі, а напрыканцы месяца – у сталіцы Літвы Вільні.