Малітва воч

Эдуард Акулін — паэт, перакладчык, бард. Нарадзіўся 7 студзеня 1963 года ў вёсцы Вялікія Нямкі на Веткаўшчыне. Скончыў Гомельскі дзяржаўны ўніверсітэт і аспірантуру НАН Беларусі. Працаваў настаўнікам, загадчыкам філіі Літаратурнага музея Максіма Багдановіча "Беларуская хатка", намеснікам галоўнага рэдактара часопіса "Першацвет", загадчыкам аддзела паэзіі часопіса "Полымя". Цяпер — галоўны рэдактар часопіса "Верасень", а таксама намеснік галоўнага рэдактара часопіса "Дзеясдоў" і намеснік старшыні Саюза беларускіх пісьменнікаў. Аўтар кніг паэзіі: "Лес дзённага асвятлення" (1988), "Пяшчота ліўня" (1990), "Крыло анёла" (1995), "Радно" (2000), "Непрычалены човен" (2003), "Вітражы" (2009), драматычнай містэрыі "На Каляды" (1996), а таксама двух песенных магнітальбомаў: "Мая Крывія" (1995), "Як яна і я" (2000) і кампакт-дыскаў: "Напачатку была Песьня" (2003), "Песьні залатой Крывіі" (2008). Вершы перакладаліся на ангельскую, французскую, італьянскую, украінскую, расейскую, польскую, балгаскую, славенскую, сербскую, харвацкую, літоўскую і латышскую мовы. Лаўрэат Першага нацыянальнага фестывалю беларускай бардаўскай песні (1993).

• Месца выхаду: Мінск
• Дата выхаду: 2012
• Рэдактар: Дранько-Майсюк Леанід
• Выдавец: Саюз беларускіх пісьменнікаў
• Выдавецтва/ друкарня: Медысонт
• Памеры: 140 с.
• ISBN: 978-985-6982-67-8
• Катэгорыя: Мастацкая літаратура
• Copyright: © 2012 by Эдуард Акулiн
• Кнігазбор: Kamunikat.org, Прыватны каталёг