Літаратурная рэзідэнцыя ў Аргентыне

2025-12-19 16:32

Музей лацінаамерыканскага мастацтва ў Буэнас-Айрэсе (Museo de Arte Latinoamericano de Buenos Aires — Malba) абвяшчае набор на пісьменніцкую рэзідэнцыю Residencia de Escritores Malba — пяцітыднёвую праграму для аўтараў і аўтарак з публікацыямі.

Для каго:

пісьменнікі/-цы, якія маюць не менш за 3 выдадзеныя кнігі (раман, зборнік апавяданняў, паэзія, дзіцячая літаратура, creative non-fiction); самвыдат і акадэмічныя тэксты не прымаюцца; веданне гішпанскай мовы не абавязковае, але пераклады твораў на гішпанскую — плюс.

Фармат:

Удзельнік/-ца працуе над рукапісам падчас знаходжання ў Буэнас-Айрэсе

Неабходна падаць матывацыйны ліст і канкрэтны план працы на час рэзідэнцыі

Удзел у дзвюх публічных сустрэчах (лекцыя, інтэрв’ю);

Напісанне кароткага тэксту (да 1000 слоў) для публікацыі на сайце Malba.

Прапануецца:

Авіяквіткі туды і назад

Асобныя апартаменты на час рэзідэнцыі

Стыпендыя 500 USD на 5 тыдняў

Культурная праграма ад Malba Literatura (сустрэчы з лакальнымі дзеячамі і інстытуцыямі — па жаданні).

Дэдлайн падачы заяўкі: 31 снежня.

Шукайце больш інфармацыі і форму для падачы на сайце Rem.malba.org.ar.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк