Лірыка двух нараджэнняў

Музыка і франтмэн гурта Pomidor/OFF чытае верш са зборніка "Лірыка двух нараджэнняў" рэпрэсаванага паэта Зямы Піваварава.Народжаны непадалёк ад Клімавічаў, Залман, сын Рувіма, Півавараў (1910 —1937) юнацтва правёў у старажытным Мсціславе. Тут жа пазнаёміўся і з беларускімі паэтамі: Юлі Таўбін, Змітрок Астапенка, Аркадзь Куляшоў былі ў той час ягонымі сябрамі і паплечнікамі. У 1929-м прыехаў у Ленінград і пачаў працаваць качагарам, аднак і ў вядомым літаратурным горадзе быў заўважаны: вядомы паэт Мікалай Асееў рэкамендаваў беларускаму кіраўніцтву ўзяць здольнага Піваварава пад крыло, і неўзабаве маладзёна залічылі на літаратурны факультэт Вышэйшага педінстытута ў Мінску. Адна кніжачка вершаў, жменя рэцэнзій на спектаклі і кінастужкі. Усяго ў 27 гадоў Зяма Півавараў быў расстраляны. Жонка паэта Ліля, маладзейшая за яго на тры гады, была адпраўленая ў высылку ў Казахстан.

• Дата выхаду: 2021-01-11
• Выдавец: Будзьма Беларусамі!
• Памеры: 00:03:12
• Катэгорыя: Відэа
• Copyright: © 2021 by Будзьма Беларусамі!
• Кнігазбор: Kamunikat.org
• Дадатковая даведка: Чытае Аляксандр Памідораў