Культавыя «Падарожжы Дылетанта» вярнуліся на YouTube

2025-05-26 15:48

Улюбёнае шоу ўжо не аднаго пакалення беларусаў «Падарожжы Дылетанта» абвясціла аб вяртанні. Юрась Жыгамонт зноў выправіўся ў вандроўку па гасцінцах Беларусі, заўважыў reform. news.

Новы выпуск праекта прысвечаны Гервятам. З экранаў зноў гучыць фірменнае вітанне вядоўцы:

«Шаноўнаму панству, дзень добры!

Мы зноў у падарожжы. А хто ў падарожжы бывае, той разум набывае.

Гэта, шаноўнае панства, мястэчка Гервяты, што ў Астравецкім раёне Гродзенскай вобласці. Раней Вялікае Княства Літоўскае, а цяпер — Рэспубліка Беларусь».

Юрась Жыгамонт у саламяным капелюшы ў белым, летнім убранні распавядае пра гісторыю мястэчка на фоне неверагодных краявідаў.

Каманда адзначае, што выпускі будуць з’яўляцца штотыдзень.

Праект быў на паўзе некалькі гадоў.

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк