Крывінка 6 (46) 2009

Чым займаюцца нашы органы. У сярэдзіне сакавіка мяне выклікалі ў ваенкамат. Апошні раз гэта ўстанова турбавала мяне гадоў 25 таму, калі я жыў яшчэ ў іншай дзяр­жаве. І вось успомнілі. Чалавек такая істота, якая думае адразу пра прыем­нае, вось і мне спачатку падумалася: “Пэўна, прысвояць чарговае званне. Не ісці ж на пенсію лейтэнантам.” Але адзін з намеснікаў ваенкома адразу развеяў мае светлыя думкі. Ён патлумачыў, што мой выклік абумоўлены тэрарыстычным выбу­хам 3-га ліпеня. Адвеўшы вочы ўбок, намеснік параіў мне не адмаўляцца, а здаць адбіткі пальцаў. Дзеля гэтага мне прыйшлося яшчэ наведаць наш раённы аддзел міліцыі, дзе я адарваў, думаю, ад сур’ёзнай працы яшчэ некалькіх чалавек.

• Месца выхаду: в. Старыя Ранчыцы, Бешанковіцкі раён
• Дата выхаду: 2009-03
• Рэдактар: Станкевіч Георгій
• Copyright: © 2008-2010 by Крывінка
• Кнігазбор: Kamunikat.org