Крывінка 6 (270) 2021

Чыноўнікі абстаўляюць тое так, нібыта гэта нармальна. Маўляў, такое жыццё. Тое, што на цэнтральнай сядзібе былога саўгаса імя Каранеўскага пасля гэтага закрыцця патухне мацнейшы ачаг культуры, не хвалюе анікога. 26 дзетак-дашкольнікаў, якія падрастаюць тут, будуць з першага класа жыць на колах. Чыноўнікі ўжо падрыхтавалі сабе алібі на тое закрыццё. Яны лічаць галоўным крытэрыем (для прыняцця рашэння аб закрыцці) эканамічны складнік: па іхніх разліках на кожнага дзіцяці ў Каранеўскай школе выдаткоўваецца значна больш грошай, чым у сярэднім па раёне. Калі ў Бачэйкаўскай СШ за год на аднаго дзіцяці выдаткоўваецца каля 7 100 рублёў, у Вульскай СШ — 7 800 рублёў, у Ржаўскай базавай школе — 8 900, у Астровенскай СШ — 10 200, то ў Каранеўскай базавай школе налічылі аж 15 700. Памножыўшы гэтую лічбу на 34-х дзетак, якія тут навучаюцца, атрымаем нешта каля 500 000 рублёў, якія затрачваюцца на ўсю школу за год. З гэтай сумы ўсе разам настаўнікі атрымліваюць гадавы заробак каля 150 000 рублёў. (15 настаўнікаў пры сярэднемесячным заробку каля 800 рублёў.) Усе разам тэхработнікі атрымліваюць за год яшчэ каля 50 000 рублёў. Застаецца 300 000 рублёў, якія выдаткоўваюцца на ацяпленне, асвятленне і водазабяспячэнне школы.

• Месца выхаду: в. Старыя Ранчыцы, Бешанковіцкі раён
• Дата выхаду: 2021-05
• Copyright: © 2021 by Крывінка
• Кнігазбор: Kamunikat.org