Крывінка 5 (45) 2009

Будучыня - за намі! І ўсё ж, нягледзечы на перашкоды, у Бешанковічах існуе свая суполка сяброў партыі Беларуская хрысціянская дэмакратыя. Яна збіраецца дапамагаць адбудоўваць дэмакратычнае грамадства на аснове хрысціянскіх каштоўнасцяў, патрыятызму, свабоды і сацыяльнай справядлівасці. Вельмі шкада, што сённяшняе грамадства далёка не такое, якое мне бачыцца ў светлых мроях. Што можна сказаць наконт грамадства, большая палова якога – сябры па бутэльцы. Такіх не хвалююць ніякія дэмакратычныя свабоды і каштоўнасці. Іх цалкам задавальняе сучасная ўлада, якая скрозь пальцы глядзіць на тое, што беларусы як нацыя выміраюць. Але яшчэ большай заганай сённяшняй улады з’яўляецца тое, што астатнія, непітушчыя, запужаныя ёй да дрыжыкаў у каленях. Сярод добрага дзесятка маіх сяброў-знаёмцаў, рэгулярных чытачоў “Крывінкі”, якіх я запрашаў папоўніць суполку, абсалютная большасць заяўляла прыкладна наступнае: “Разумееш, я то прынцыпіяльна не супраць, але ж пачнуцца рэпрэсіі на жонку, дзяцей. А я хачу пажыць спакойна.” Жывёльны страх перад уладай, страх згубіць працу, страх, які ўеўся ў глузды і не дае нармальна жыць – вось на што хварэюць сённяшнія непітушчыя Бешанковічы.

• Месца выхаду: в. Старыя Ранчыцы, Бешанковіцкі раён
• Дата выхаду: 2009-03
• Рэдактар: Станкевіч Георгій
• Copyright: © 2008-2010 by Крывінка
• Кнігазбор: Kamunikat.org