Крымінальны ланцужок

“Дваццаць першага верасня а сёмай гадзіне раніцы я пачаў абход даверанага мне ўчастка ў межах вуліц Віленскай, Грандзіцкай і Мураўёўскай. Прыкладна ў 7.15, прахо­дзячы берагам ракі Юрысдыкі, я заўважыў, што на ўзгорку ляжыць нейкі чалавек. Падышоўшы бліжэй, убачыў, што гэта маладая дзяўчына прыкладна 16-18 гадоў, апранутая ў чорнае паліто, пад якім не было ніякага адзення. Шыя яе была перарэзаная. Прыкмет жыцця пры аглядзе ахвяра не падавала. Згодна інструкцыі аб дзеяннях у такой сітуацыі я пачаў свістаць у службовы свісток. Праз некалькі хвілін да мяне падышоў мясцовы дворнік Максім Кугач, якому я загадаў стаяць каля трупа і не падпускаць нікога. А сам накіраваўся ў дом губернатара, патэлефанаваў ад дзяжурнага ў аддзяленне вышукной паліцыі і згодна іх загаду вярнуўся да цела. Праз дваццаць хвілін прыехалі следчыя, а следам і карэта з доктарам. Пасля чаго, з дазволу паліцыі, вярнуўся да выканання сваіх службовых абавязкаў. Гарадавы старшага акладу Патапаў Мікіта Мітрафанавіч”. (фрагмент)

• Дата выхаду: 2022
• Катэгорыя: Мастацкая літаратура
• Copyright: © 2022 by Дзеяслоў; Copyright © 2022 by Віктар Варанец; Copyright © 2022 by Kamunikat.org - ePub
• Кнігазбор: Kamunikat.org
• Дадатковая даведка: Падрыхтаванае на падставе: Варанец Віктар, Крымінальны ланцужок. Апавяданне; Дзеяслоў, Лiтаратурна-мастацкі часопіс 3 (118) 2022; с. 48-76