Кнігу Элізы Ажэшкі «Дзікунка» ўжо можна замаўляць!

2021-07-01 21:06

Кніга аддрукаваная і едзе ў Менск. Віншуем перакладчыцу, аўтарку каметароў і прадмовы Святлану Воцінаву з выхадам цудоўнага фаліянта.

Раман Элізы Ажэшкі «Дзікунка» ў ХІХ стагоддзі быў названы «кавалкамі сказаў, налепленых адзін на адзін», з прымітыўным стылем, які «ледзь адпавядае мастацкаму твору». У ХХ стагоддзі, ужо пасля смерці пісьменніцы, пра яго напісалі як пра «самы глыбокі, самы мудры і самы кранальны яе раман».

Што можна сказаць пра гэты твор ў ХХІ стагоддзі? Вы знойдзеце тут кнігу ў кнізе: Святлана Воцінава дадала даследаванне акалічнасцей напісання, пераклады лістоў і артыкулаў, пад адной вокладкай размясціла меладраму і нон-фікшн. А таксама ператварыла кнігу ў квест, зрабіўшы чытача героем сюжэта.

Кніга Элізы Ажэшкі "Дзікунка" ёсць тут.

Кніга выйшла дзякуючы падтрымцы Польскага інстытута ў Мінску

Крыніца: Кнігарня Галіяфы

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк