Kamunikat.org стварае ўласную відэатэку

2021-09-25 21:58

:/:

Найбуйнейшая беларуская інтэрнэт-бібліятэка пачала ствараць сваю ўласную відэатэку.

Цяпер літаратурныя творы можна не толькі прачытаць з электронных носьбітаў, але і паслухаць у чытанні аўтараў, і нават гэтых аўтараў пабачыць. Кажа кіраўнік інтэрнэт-бібліятэкі kamunikat.org Яраслаў Іванюк:

– Мы запрапанавалі нашым аўтарам, з якімі супрацоўнічаем ужо многа гадоў, каб яны проста самі сябе запісвалі на відэа чытаючы свае творы, фрагменты гэтых твораў. Навукоўцам мы прапанавалі, каб яны выступілі ў такіх відэалекцыях для нашых наведвальнікаў. Пазней мы ўсё гэта апублікавалі на „Камунікаце” і YouTube-канале і SoundCloud.

Цяпер на старонках інтэрнэт-бібліятэкі ўжо больш за 50 відэа, на якіх пісьменнікі чытаюць свае творы, а навукоўцы выступаюць з лекцыямі. Інтэрнэт-бібліятэка kamunikat.org існуе ўжо 21 год.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк