Kamunikat.org: Беларусы знойдуць шляхі, каб зайсці на наш заблакаваны сайт

2023-07-24 22:57

:/:

Сайт Беларускай анлайн-бібліятэкі Kamunikat.org быў заблакаваны ў Беларусі паводле рашэння Міністэрства інфармацыі Рэспублікі Беларусь.

Сітуацыю каментуе стваральнік інтэрнэт-бібліятэкі „Камунікат” Яраслаў Іванюк:

- Міністэрства інфармацыі, дэзінфармацыі і прапаганды Рэспублікі Беларусь – не ведаю, як яна павінна называцца – рэжымная ўстанова, якая заблакавала сайт Kamunikat.org Беларускай інтэрнэт-бібліятэкі, на якім сабрана больш за 50 000 беларускіх публікацый. Чаму яны вырашылі заблакаваць, не ведаю. Як ніхто ўжо не пытае, чаму ў Беларусі судзяць людзей. Сайт быў зроблены для людзей, якія цікавяцца беларушчынай. І цяпер беларусы знойдуць магчымасць пакарыстацца рэсурсамі Беларускай інтэрнэт-бібліятэкі Kamunikat.org.

Хаця пасля блакіроўкі ў карыстальнікаў Беларусі знік доступ да самай вялікай Беларускай інтэрнэт-бібліятэкі Kamunikat.org, доступ мажлівы праз VPN. Таксама даступны youtube-канал бібліятэкі з шырокім выбарам аўдыёкніг.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк