Камітэт міністраў Рады Еўропы абмеркаваў пытанне польскай меншасці ў Беларусі

Генеральны сакратар Рады Еўропы запэўніла, што сітуацыя польскай меншасці ў Беларусі будзе знаходзіцца ў спектры яе інтарэсаў.

Пытанне палякаў у Беларусі абмяркоўвалася ўчора на форуме Камітэта міністраў Рады Еўропы. На мінулым тыдні прэзідэнт Анджэй Дуда заклікаў умяшацца ў справу палякаў падчас размовы з генеральным сакратаром Рады Марыяй Бурыч.

Міністр канцылярыі прэзідэнта Кшыштаф Шчэрскі паведаміў у «Твітэры», што генеральны сакратар Рады Еўропы запэўніла, што сітуацыя польскай меншасці ў Беларусі будзе знаходзіцца ў спектры яе інтарэсаў.

Сёння некаторым лідарам польскай меншасці, якія ўтрымліваюцца пад вартай у Беларусі, можа быць распачата крымінальная справа супраць іх. Абвінавачанне могуць пачуць члены Галоўнай рады Саюза палякаў, затрыманыя ў Мінску: Ірэна Бярнацкая, Марыя Цішкоўская і Анджэй Пачобут. Заўтра можа быць прад'яўлена абвінавачанне старшыні Саюза палякаў Беларусі Анжаліцы Борыс.

Беларускія праваабаронцы прызналі лідараў польскай меншасці, якія знаходзяцца пад вартай, палітычнымі зняволенымі.

Польскія актывісты былі арыштаваны ў сувязі з заявамі Генеральнай пракуратуры Беларусі адносна святкавання дня выклятых жаўнераў.

ав