«Каб правільна скакаць праз вогнішча і ведаць, дзе расце папараць-кветка». Беларускія абрады

2021-08-29 18:12

Беларусы працягваюць здымаць серыю фільмаў «Кола беларускіх абрадаў». У іх вы даведаецеся, якія абрадавыя звычаі цягам стагоддзяў захоўваў беларускі народ. І якія з іх папулярныя сёння.

Фільмы публікуюць на ютуб-канале Tradycyja.

Новы выпуск праекта прысвечаны ці не самаму любімаму і шанаванаму святу ў беларусаў — Купаллю.

Свята з нагоды летняга сонцастаяння вядома многім еўрапейскім народам, але менавіта на нашых землях захаваліся найбольш аўтэнтычныя элементы гэтага свята.

Цікавосткі:

◾️ Напрыканцы Купальскай ночы, на ўзыходзе сонца, дзяўчаты разам спявалі розныя песні з розных абрадаў. Атрымліваўся спеўны хаос, які ў канцы ператвараўся ў адзіны, цэльны гарманічны спеў, прысвечаны менавіта Купаллю;

◾️ Дзяўчаты і хлопцы выконвалі розныя місіі ў стварэнні агульнага свята;

◾️ У Купалкі (Купалінкі) была не адна дачка, як мы чулі ў песні («Купалінка, Купалінка, цёмная ночка, а дзе ж твая дочка?..»), а шмат дачок і нават сыноў;

◾️ На Купалле можна даведацца сваю будучыню.

Падрабязней — у відэа. Цікава, пазнавальна і вельмі прыгожа.

Праект рэалізуе Tradycyja. Каб не прапусціць выпускі новых відэа, раім падпісацца на ютуб-канал: Tradycyja.

А таксама раім паглядзець мінулыя выпускі пра іншыя абрады на Беларусі.

паводле прэс-рэліза

Крыніца: БУДЗЬМА БЕЛАРУСАМІ!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк