Ігар Іваноў: Каб адлюстроўваць беларускае жыццё з Лондану

2023-06-26 16:46

:/:

Чарговыя новыя кнігі рыхтуюць да друку ў лонданскім беларускім выдавецтве „Скарына”. Пра гэта распавёў рэдактар выдавецтва Skaryna Press Ігар Іваноў.

Цяпер беларускую літаратуру ад выдавецтва можна набываць у Літве, ЗША, Велікабрытаніі, Бразіліі, Італіі, Нідэрландах і Польшчы , – адзначыў ён:

– Не шмат змянілася з нашых першапачатковых ідэяў і мэтаў. Гэта перадусім быць беларускім выдавецтвам у Лондане і адлюстроўваць беларускае жыццё тут, на імглістым Альбіёне. Таму цяпер мы рыхтуем новыя кнігі, якія паходзяць як бы з нашага асяродку – артыкулы пра Скарынаўскую бібліятэку і альбом матэрыялаў Вацлава Ластоўскага, ягонай экспедыцыі 1928 года.

Дадаткова кнігі выдавецтва можна спампаваць праз Google Play Books (працуе ў Беларусі) і Apple Books. Таксама выданні даступны ў Вільні ў кнігарні Akademinė knyga, Universiteto g. 4.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк