«Гэта быў сапраўдны духоўны лідар» — Ціханоўская пра архіепіскапа Арцемія

2023-04-25 13:14

Святлана Ціханоўская выказалася пра архіепіскапа Арцемія (Кішчанку), які памёр ноччу 22 красавіка, не дажыўшы трох дзён да свайго 71-годдзя. У 2020 годзе ён рэзка выказаўся пра гвалт беларускіх сілавікоў супраць мірных пратэстоўцаў і пра фальсіфікацыю вынікаў выбараў. Летам 2021-га Арцемія вызвалілі ад пасады архіепіскапа Гродзенскага і Ваўкавыскага.

"Гэта адзіны праваслаўны святар такога высокага рангу, які публічна выступіў супраць гвалту і катаванняў у 2020 годзе, — піша Ціханоўская. — Мы заўсёды будзем памятаць яго як чалавека з мужнай пазіцыяй у абарону годнасці і правоў чалавека. Гэта быў сапраўдны духоўны лідар. Светлая памяць".

Развітанне з архіепіскапам Арцеміем прайшло ў Свята-Пакроўскім кафедральным саборы ў Гродне.

У панядзелак яго пахавалі на Чыжоўскіх могілках у Мінску.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк