Газета Слонімская 43 (646) 2009

Жывуць, як на хутары. За цагельным заводам у другіх Пятралевічах пры лесе стаяць тры дамы, якія маюць адпаведную нумарацыю на Завадской вуліцы. Аднак дамы знаходзяцца ў баку ад вёскі, і людзі там жывуць, лічы, як на хутары. Раней гэтыя дамы былі ведамасным жыллём слонімскай фабрыкі пер’е- пуховых вырабаў. Калі ж справы на прадпрыемстве незаладзіліся, дамы пера­далі на баланс раённай ка­мунальнай службы. Па сло­вах дырэктара РУП ЖКГ Уладзіміра Покалы, яны не ў захапленні ад такога “па­дарунка”, бо жыллё там зна­ходзілася (і знаходзіцца) не ў лепшым стане. Мы прыехалі туды 15 каст­рычніка пасля некалькіх на­стойлівых тэлефанаванняў насельніцы кватэры №1 у до­ме №2 Таццяны Пархановіч. У тым доме знаходзяцца тры кватэры з пячным ацяплен­нем, без водаправода і ін­шых выгодаў. У кватэры Тац­цяны Уладзіміраўны якраз поўным ходам ішлі рамонт­ныя работы.

• Месца выхаду: Слонім
• Дата выхаду: 2009-10-21
• Рэдактар: Валадашчук Віктар
• Выдавец: УП Газета Слонімская
• Copyright: © 2009 by Газета Слонімская
• Кнігазбор: Kamunikat.org