Гарэцкія чытанні запрашаюць да ўдзелу. Падаць заяўку можна да 22 жніўня

2023-08-19 13:20

8 верасня ў Дзяржаўным музеі гісторыі беларускай літаратуры пройдзе Міжнародная навукова-практычная канферэнцыя «ХХХ Гарэцкія чытанні».

Сёлетняя падзея прысвечана 130-годдзю з дня нараджэння беларускага пісьменніка, літаратуразнаўцы, лексікографа, фалькларыста, аднаго з пачынальнікаў нацыянальнай мастацкай прозы Максіма Гарэцкага.

Праблемнае поле канферэнцыі:

Дзейнасць Максіма Гарэцкага пачатку XX стагоддзя.

Малая проза Максіма Гарэцкага.

Праўда пра вайну Максіма і Леаніда Гарэцкіх.

Лексікаграфічная спадчына братоў Гарэцкіх.

Смаленскі перыяд творчасці Максіма Гарэцкага.

Непаўторнасць і шматграннасць таленту М. Гарэцкага-драматурга.

Публіцыстычная дзейнасць Максіма і Гаўрылы Гарэцкіх.

Творчыя і жыццёвыя стасункі пісьменніка.

Максім Гарэцкі і сучасны літаратурны працэс.

Жыццё і творчасць прадстаўнікоў роду Гарэцкіх.

Рабочыя мовы канферэнцыі — беларуская і руская.

Формы ўдзелу — вочная і завочная. Праезд, харчаванне і пражыванне — за кошт удзельнікаў канферэнцыі.

Адкрыццё канферэнцыі — 10:00. Пачатак рэгістрацыі — 9:30.

Заяўкі на ўдзел у чытаннях прымаюцца па 22 жніўня 2023 г. на электронны адраc info@bellitmuseum.by з пазнакай «XXX Гарэцкія чытанні».

Даведкі па тэл. +375 (33) 661-63-97 (вучоны сакратар Наталля Валер’еўна Калядчык).

Патрабаванні да афармлення матэрыялаў і заяўку на ўдзел можна знайсці на сайце bellitmuseum.by.

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк