Галіна Казіміроўская: Кангрэс паказаў неверагодную кансалідацыю беларускіх сіл

2023-09-17 20:23

:/:

Падрыхтоўка да Першага кангрэсу беларускай культуры ў эміграцыі паказала: цікавасць да мерапрыемства і кансалідацыя творцаў існуе.

Пра гэта заявіла прадстаўніца Інбелкульту 2.0, суарганізатарка Кангрэсу Галіна Казіміроўская:

– З аднаго боку яны вельмі патрэбныя, мы гэта разумеем. З другога боку, мы ўсе хочам канкрэтных вынікаў. Але як жыццё паказвае, што гэта не адбываецца хутка. Мы зрабілі ўсё магчымае, каб гэты Кангрэс быў карысным, каб ён быў з нейкімі практычнымі выхадамі. Для мяне асабіста, я думаю, ужо ёсць такі добры вынік, сама падрыхтоўка да гэтага Кангрэсу. Яна проста паказала неверагодную кансалідацыю беларускіх сіл, за апошнія некалькі месяцаў я паглыбілася ў сферы культуры на столькі глыбока і шырока даведалася. Часам шмат хто жыве ў сваім коле, сваёй дзейнасці. А калі ты робіш Кангрэс, ты абавязаны валодаць шырокай інфармацыяй.

“Вынікі Кангрэсу пакажуць, ці будзем мы ладзіць такія мерапрыемствы ў будучыні”, – патлумачыла Галіна Казіміроўская.

Марына Савіцкая, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк

Галоўная старонка Навіны Кнігі Аўтары Пра нас