Добрая навіна! Цяпер Kamunikat мае аплікацыю для праслухоўвання аўдыёкніг на iPhone

2025-01-09 20:53

У 2025 годзе Kamunikat працягвае радаваць аматараў беларускай літаратуры харошымі навінамі! Пры дапамозе добрых людзей у нас з'явілася аплікацыя для праслухоўвання аўдыёкніг праз iPhone!!! І яна без абмежаванняў працуе ў тым ліку ў Беларусі.

Праграму можна загрузіць з AppStore і атрымліваць задавальненне ад сучаснай беларускай літаратуры ў аўдыёфармаце ў любы вольны час. На дадзены момант маем 55 твораў - 400 гадзін запісу! Спадзяемся, што хутка з'явіцца аналагічная аплікацыя для Android.

Нашы кнігі можна таксама слухаць на сайце або Youtube-канале.

Беларуская інтэрнэт-бібліятэка Kamunikat.org – гэта найбуйнейшая беларуская on-line бібліятэка ў свеце. У нашых рэсурсах сабрана амаль 60 000 розных беларускіх публікацый (кнігі, аўдыёкнігі, газеты, часопісы, відэа і іншае). Кіруемся прынцыпам: сабраць у адным месцы тое, што выдадзена па-беларуску альбо пра Беларусь на іншых мовах. Будзем рады сустрэцца з вамі на адной хвалі - хвалі любові да Беларушчыны!

Крыніца: Камунікат

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк