«Дэпутат незалежнасьці» і першы пасол у Нямеччыне аб пратэстах і сапраўдным фашызьме: «На выбарах гэты рэжым ніколі больш ня выйграе»

19 верасьня 1991 году Вярхоўны Савет Беларусі зацьвердзіў бел-чырвона-белы сьцяг і герб «Пагоня» ў якасьці дзяржаўных сымбаляў, а таксама прыняў новую назву краіны — Рэспубліка Беларусь.

Удзельнік тых падзей — дэпутат Вярхоўнага Савету XІІ скліканьня і першы амбасадар незалежнай Беларусі ў Нямеччыне Пётра Садоўскі з аптымізмам глядзіць у будучыню Беларусі, хоць і прызнаецца, што зусім ня так уяўляў краіну падчас гістарычнага галасаваньня 30 гадоў таму.

З гэтага відэа вы даведаецеся:

чаму ў 1991 годзе, калі зацьвярджалі сувэрэнны статус і нацыянальныя сымбалі Беларусі, верылася, што яна пойдзе па дэмакратычным шляху і стане сапраўды незалежнай дзяржавай;

якую самую вялікую ахвяру прынесьлі беларусы на шляху да незалежнасьці;

як у Беларусі прапагандаваўся фашызм і што Аляксандар Лукашэнка казаў пра Гітлера ў пачатку сваёй прэзыдэнцкай кар’еры;

чым бел-чырвона-белы сьцяг адрозьніваецца ад лягатыпу «Газпраму»;

ці мае мірны супраціў шанец у Беларусі;

што добрага адбылося з нацыяй у 2020 годзе і якую памылку зрабілі лідэры пратэстаў;

чаго не хапае Бабарыку і чаму ён будзе добрым міністрам;

як трэба апранацца Ціханоўскай, каб падабацца немцам;

што хаваецца за канстытуцыйнай рэформай, якую цяпер рыхтуюць улады Беларусі;

ці ёсьць у беларусаў шлях да прымірэньня.