Дабрачынная выстава-продаж у падтрымку цяжкахворай мастачкі Ніны Маргаевай

2025-02-06 21:01

:/:

У Вільні 4 лютага ў творчай прасторы CreateCulture Space адкрылася дабрачынная выстава-продаж у падтрымку цяжкахворай мастачкі Ніны Маргаевай. Яна дапаўняе бягучую экспазіцыю карцін Ніны Маргаевай, якая адкрылася ў CreateCulture Space 23 студзеня.

Як кажа арганізатарка выставы, мастачка Лера Лазук, свае карціны прадаставілі такія вядомыя персоны як Ксіша Ангелава і Піт Паўлаў, так і тыя, хто хоча застацца ананімнымі:

– Некаторыя карціны ў нас выстаўленыя ананімна, вось ёсць такія крыху наіўныя, сюррэалістычныя карціны, аўтарку якой мы не называем, але калі чалавек будзе набываць карціну, то мы можам раскрыць, калі гэта будзе верыфікаваная асоба. А з найбольш такіх знакамітых аўтараў у нас тут прысутнічае Ксіша Ангелава з вельмі прыгожым палатном, якое называецца “Апошні снег”, такая лірычная, трохі сумная карціна.

Усе сабраныя сродкі ад продажу карцін (за вылікам падаткаў) будуць накіраваныя на падтрымку Ніны Маргаевай, якой у студзені 2023 года дыягнаставалі бакавы аміятрафічны склероз (БАС) — рэдкае і невылечнае захворванне, што патрабуе пастаяннай медыцынскай дапамогі і лячэння.

Выстава ў віленскай творчай прасторы CreateCulture Space будзе доўжыцца да 20 лютага ўключна.

Цалкам матэрыял слухайце ў далучаным файле.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк