Беларусы ў Вялікабрытаніі

Гэтая кніга, 18-я ў серыі "Бібліятэкі Бацькаўшчыны", прысвечана мінуламу і сучаснасці беларускай дыяспары ў Вялікабрытаніі. Аўтар разглядае гісторыю беларуска-брытанскіх кантактаў, перадумовы прыезду беларусаў у гэтую краіну ў 1940-я, працэс стварэння і дзейнасць нацыянальных арганізацый розных напрамкаў. Кніга Наталлі Гардзіенкі – гэта сапраўдная энцыклапедыя беларускага жыцця ў Вялікабрытаніі. Аднак гэтая энцыклапедыя напісана так, што пачытаць яе цікава будзе не толькі навукоўцам, але і ўсім, хто цікавіцца айчыннай гісторыяй, беларускай прысутнасцю ў свеце і любіць чытаць пра вандроўкі. Да слова пра вандроўкі, кніга "Беларусы ў Вялікабрытаніі" можа з поспехам выкарыстоўвацца ў якасці турыстычнага дапаможніка тымі, хто збярэцца ў падарожжа на Брытанскія выспы. У канцы кнігі змешчаны даведнік па беларускіх мясцінах у Вялікабрытаніі.

• Месца выхаду: Мінск
• Дата выхаду: 2010
• Рэдактар: Гардзіенка Алег
• Выдавец: Згуртаванне беларусаў свету Бацькаўшчына
• Выдавецтва/ друкарня: Медысонт
• Памеры: 620 с., 25 см
• ISBN: 978-985-6887-63-8
• Катэгорыя: Гісторыя, Палітыка, Правы чалавека, Грамадзтва, Біяграфіі, Мэмуары
• Copyright: © 2010 by Гардзіенка Н.
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 2144