Беларусы Беластока: Наша мара – адкрыць Беларускі дом

2020-10-31 14:22

:/:

Актыўны ўдзел у працы Сусветнага кангрэсу беларусаў-2020 прынялі жыхары Беластока.

У сваім вітальным слове яны агучылі сваю галоўную мэту – стварыць у Беластоку месца, дзе кожны беларус зможа атрымаць дапамогу:

– Мы пазнаёміліся і пасябравалі гэтым летам. Мы арганізоўвалі акцыі пратэстаў, маршы і пікеты. Наша дыяспара дапамагае беларусам, якія прыбылі сюды нядаўна. Мы дапамагаем не толькі парадай, але і справай – шукаем жыллё, дапамагаем з працай, купляем ежу і адзенне. Але зараз наша вострая патрэба – арганізаваць беларускі “шэлдар” – часовы прытулак для тых, хто прыехаў ні з чым, для тых, хто патрабуе дапамогі. Мы просім беларусаў свету падтрымаць нашую ініцыятыву.

Прамежкавыя вынікі і перспектывы працы дыяспары беларусаў у Беластоку можна будзе абмеркаваць у тэматычных анлайн-секцыях Сусветнага кангрэсу беларусаў, пачынаючы з 22-20 па беларускім часе, у Польшчы на дзве гадзіны раней.

Вольга Сямашка, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк