Беларускі ПЭН стаў лаўрэатам Хірасімскай прэміі міру

«Для нас гэтая ўзнагарода — значна больш чым прыз. Гэта глыбокі жэст салідарнасці і ўвагі ў час, калі беларуская культура, мова і грамадзянская супольнасць перажываюць велізарны ціск. Вашы словы моцна адгукаюцца ў нашых сэрцах. Салідарнасць і падтрымка, якую вы нам аказваеце, надае сілы працягваць адстойваць дэмакратычныя каштоўнасці і несці далей працу дзеля свабоды беларускага слова і тых, хто яго бароніць. Мы церпім не толькі за крытыку ўлады, але і за тое, што не прымаем гвалту і катаванняў, а таксама за наша імкненне да свабоды, за абарону сваёй мовы і культуры», — Таццяна Нядбай, старшыня Беларускага ПЭНа.

Паводле арганізатараў прэміі, Беларускі ПЭН выступае маяком супраціву, абараняючы свабоду выказвання, культурную ідэнтычнасць і правы пісьменнікаў і мастакоў.