Беларуска-польскія адносіны на ІХ Кангрэсе даследчыкаў Беларусі

Дадзеная тэматыка з'яўляецца адносна новай на мерапрыемстве.
 
Кангрэс даследчыкаў Беларусі мае ўжо даволі трывалую структуру, калі гаворка ідзе пра тэмы, якія на ім абмяркоўваюцца. Гэта, без сумнення, гісторыя, паліталогія, літаратуразнаўства, а таксама перакладчыцкая дзейнасць.

Падчас ІХ Кангрэсу даследчыкаў Беларусі, які прайшоў у Літве, было аднак некалькі панэляў, якія спрабавалі адрэагаваць на тую сітуацыю, якая назіраецца на свеце ў сувязі з пандэміяй каранавіруснай інфекцыі і пераходам некаторых сфераў жыцця ў on-line фармат. Гэта, праўда, агульныя для чалавецтва выклікі, – адзначаў Аляксей Ластоўскі з Арганізацыйнага Камітэту ІХ Кангрэсу даследчыкаў Беларусі, – але яны важныя таксама падчас аналізу беларускай сітуацыі. Падчас кангрэсу можна было таксама назіраць павышаную зацікаўленасць палітычнымі працэсамі ў Беларусі.

Сярод новых тэмаў варта яшчэ назваць панэль пра палякаў у Беларусі і беларуска-польскія адносіны. І, калі габрэйская тэма здаўна прысутнічала на кангрэсе, то гэтая тэматыка з'яўляецца адносна новай. З арганізатарам мерапрыемства прафесарам Алесем Смалянчуком размаўляе Яраслаў Іванюк.

слухайце аўдыё