«Арыстакратычная бледнасць» высмейвае беларускую рэчаіснасць

2020-11-03 14:57

:/:

Дзявочы дуэт «Арыстакратычная бледнасць» апублікаваў на сваёй старонцы ў Facebook новае відэа з дваровага канцэрта.

На ім гучаць вясёлыя прыпеўкі на актуальныя тэмы пад акампанемент укулеле – гавайскай гітары.

– Вы ж сядзіце на сваім хутары і, навернае, толькі свае тэлеграмы, інстаграмы чытаеце. БТ ваабшчэ вы кагда паследній раз глядзелі? Ай, аткуда ж вам знаць, што на самам дзеле праісходзіць? Добра, што мы прыехалі да вас. Вам жа затмілі розум усе гэтыя куклаводы загранічныя. Но мы прыехалі, што б расказаць вам усю праўду, што праісходзіць у стране. Мы кансерваторскія дыпломы палучылі, а ў выніку спяваем, як дзяды вучылі.

У сваіх прыпеўках дзяўчаты з дуэта «Арыстакратычная бледнасць» высмейваюць беларускую рэчаіснасць. Пры гэтым яны прынцыпова спяваюць на трасянцы і не раскрываюць сваіх імёнаў. Галоўныя героі іх прыпевак – сілавікі, чыноўнікі, ды іншыя асобы.

Максім Каўняровіч, Беларускае Радыё Рацыя, Менск
Фота з асабістай старонкі дуэта «Арыстакратычная бледнасць» у Facebook

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк