“Афганец” і “Бліндаж” Быкава выйдуць у Беластоку

2024-06-10 16:14

Фундацыя Kamunikat анансавала перавыданне аповесцей Васіля Быкава “Афганец” і “Бліндаж”. Акрамя выдання кнігі, запланаваны шэраг прэзентацый у некалькіх польскіх гарадах.

Выдаўцы падкрэсліваюць, што гэтым выданнем Фонд Kamunikat.org далучаецца да святкаваньня 100-годдзя Васіля Быкава. У кнігу класіка беларускай літаратуры ўвайшлі дзве знакавыя, але малавядомыя пакуль аповесці - “Бліндаж” і “Афганец”. Тэксты былі надрукаваныя толькі пасля смерці народнага пісьменніка Беларусі.

Прэзентацыя кнігі адбудзецца ў дзень народзінаў Васіля Быкава 19 чэрвеня 2024 г. ў Беластоку падчас вечарыны ў кавярні “Фама”.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк