Адчыніце, казьляняткі

Аўдыёспэктакль створаны паводле казкі "Воўк і сямёра кязьлянятаў". Першапачаткова гэта была казка братоў Грым, якая ў славянскім сьвеце атрымала распаўсюджаньне ў XIX стагодзьдзі, увайшла ў вусную народную творчасьць і з пэўнымі зьменамі ў сюжэце атрымала статус народнай. Маці-каза, выходзячы з хаткі, папярэджвае сваіх казьлянятаў, каб тыя сьцерагліся ваўка, што гойсае непадалёк. Воўк спрабуе скарыстаць з адсутнасьці маці, і ўсялякімі хітрыкамі намагаецца ашукаць казьлянятаў. Музычнае суправаджэньне ў выкананьні аркестру ТЮГу, цудоўная ігра актораў і арыгінальная варыяцыя сюжэту робяць аўдыёспэктакль "Адчыніце, казьляняткі" сапраўдным падарункам для любога дзіцяці!

• Месца выхаду: Мінск
• Дата выхаду: 2009
• Выдавец: BelTonMedia
• Катэгорыя: Дзіцячая літаратура, Audiobook
• Copyright: © 2009 by BelTonMedia
• Кнігазбор: Kamunikat.org
• Дадатковая даведка: Аўдыёспэктакль / Агульны час 43:57; Кампазытар: Яўген Глебаў, Рэжысэр: Л. Тарасава, Рэжысэр аўдыёкампазыцыі: Т. Аляксеева, Дырыжэр аркестру Тэатра юнага гледача: Э. Зарыцкі, Выконваюць акторы: Б. Барысёнак, Г. Раеўская, З. Паўлоўская, А. Фурманава, К. Мізгайла, Э. Шаміёнак, Л. Бельская.