Сіўчыкаў Уладзімір

Сіўчыкаў Уладзімір Мікалаевіч, нар. 03.05.1958, г. Жодзіна Мінскай вобл., перакладчык, празаік, паэт, драматург, выдавец. Сябра Саюза беларускіх пісьменнікаў з 1990, Беларускага ПЭН-Цэнтра з 2004, Беларускай асацыяцыі журналістаў з 2009.

З сям’і служачых. Скончыў 8 класаў Жодзінскай СШ № 5 у 1973, педагагічнае аддзяленне Мінскай мастацкай вучэльні ў 1977. Выкладаў маляванне і крэсленне ў Траянаўскай сярэдняй школе (Барысаўскі раён), пасля службы ў Савецкай Арміі (1977—79) працаваў мастаком-афарміцелем у Палацы культуры і спорту чыгуначнікаў у Мінску. У 1981 паступіў, а ў 1986 скончыў аддзяленне беларускай і рускай мовы і літаратуры філалагічнага факультэта БДУ. Падчас вучобы праходзіў стажыроўку ў Тбіліскім універсітэце, дзе вывучаў грузінскую мову і літаратуру. З 1986 рэдактар аддзела літаратуры і мастацтва, а з 1989 адказны сакратар часопіса «Бярозка». З 1992 ачольваў Беларускую асацыяцыю дэтэктыўнага, прыгодніцкага і палітычнага рамана (БАДППР), з 1994 -- выдавецтва «Радыёла-плюс». Жыве ў Мінску.

З 1982 выступае ў рэспубліканскім друку. З 1984 вядомы як перакладчык найперш з грузінскай на беларускую мову. У яго перакладзе выйшаў раман Надара Думбадзе «Закон вечнасці» («Мастацкая літаратура», 1989). Аўтар прадмовы, складальнік біяграфічных звестак, каментарыяў, перакладчык твораў у «Анталогіі грузінскай паэзіі» (у 2-х т. — «Мастацкая літаратура», 1989). Пераклады Ул. Сіўчыкава змяшчаліся ў беларускім і грузінскім друку, альманахах «Братэрства», «Ветразь», у зборніку дэтэктыўных навел «Кінжал з крыламі» («Юнацтва», 1994) і інш.

Добра валодае словам і як празаік, адчувае яго каларыт. Адзін з аўтараў зборнікаў прозы «Жнівеньскі праспект» («Бібліятэка «Маладосці», 1988), «Тутэйшыя» («Мастацкая літаратура», 1989), «Карані» («Юнацтва», 1994).

Аўтар кнігі апавяданняў і п’ес «Гульня ў тастамант» («Юнацтва», 1992), кніг прозы «Лісты да брата» («Радыёла-плюс», 1998), “Бювар” (“Радыёла-плюс”, “Выдавец І. П. Логвінаў”, 2009), “Уладзевы гісторыі” (Выдавец Уладзімір Сіўчыкаў, 2015), “Пацалаваць Фідэля” (Выдавец Уладзімір Сіўчыкаў, 2020).

Склаў кнігу прозы маладых аўтараў «Перад маімі вачыма» («Бібліятэка «Маладосці», 1990), зборнік дэтэктыўных навел «Кінжал з крыламі» (“Юнацтва”, 1994), «Сучасная беларуская проза. Традыцыі і наватарства» (сумесна з М.Тычынам, «Сэр-Віт», 2003), зборнік дэтэктываў «Карона Вітаўта Вялікага» (сумесна з А. Сіўчыкавай, «Мастацкая літаратура», 2004).

Выступіў укладальнікам кніг прозы Васіля Быкава «Избранное» (Москва, «Мартин», 2004) і «Афганец» (Москва, «Вагриус», 2005), выбраных твораў Славаміра Мрожака “Дом на мяжы” (“Радыёла-плюс”, “KEW”, 2008).

Як крытык і публіцыст вядомы шэрагам артыкулаў па літаратурных узаемасувязях, рэцэнзіямі, мастацтвазнаўчымі эсэ, падарожнымі нататкамі. З 1983 працуе ў жанры паэзіі. Вершы друкаваліся ў перыёдыцы, калектыўных зборніках «Вусны» («Юнацтва», 1985), «Маладыя галасы» («Мастацкая літаратура», 1985), «Лагодны промень раніцы» («Мастацкая літаратура», 1988), «Квадра» («Універсітэцкае», 1990), «Круглы год. Хоку беларускіх паэтаў» («Літаратура», 1996) і інш.

Аўтар кніг паэзіі «Высакосны год» (“Радыёла-плюс”, 2004), “Кошык Велікодны” (“Выдавец Уладзімір Сіўчыкаў”, 2014), “Багоўка” (“Мастацая літаратура”, 2018).

Уклаў кнігу версэтаў Алеся Разанава «Горад-вандроўнік» (разам з Н. Каберыдзе, «Сабчота Сакартвело», на грузінскай мове, 1987), зборнікі «Яна і Я. Вершы і песні пра каханне» (сумесна з Р. Шастак, «Радыёла-плюс», 2005), “Максім Багдановіч. Інтымны дзённік. Выбраныя творы” (“Радыёла-плюс”, 2006), “Рыгор Барадулін. Руны Перуновы. Выбраныя творы” (сумесна з А. Камоцкім, “Радыёла-плюс”, 2006), “Пад шэпат хваляў Віліі” (“Радыёла-плюс, 2006), “Качка-дзівачка. Польская паэзія дзецям” (сумесна з Л. Баршчэўскім, “Радыёла-плюс”, 2006), анталогію беларускай паэзіі ХV-ХХ стагоддзяў “Чала я не хіліў прад сілай” (на беларускай, лацінскай, польскай мовах, разам з Л. Баршчэўскім, А. Паморскім, А. Скурко, А. Хадановічам, “Калегіюм Усходняй Еўропы”, Уроцлаў, 2008), кніг вершаў дзецям “Рыгор Барадулін. Выпаў грук у грома з рук” (“Радыёла-плюс, 2009) і “Артур Вольскі. Выйшаў зайчык пагуляць” (“Радыёла-плюс”, 2009), “Максім Багдановіч. Пярсцёнак. Выбраныя творы” (“Папуры”, 2015), “Рыгор Барадулін. Тастамéнт. Выбраныя творы” (“Папуры”, 2015), “Кастусь Тарасаў. Апошняе каханне князя Міндоўга. Выбраныя творы” (сумесна з Г. Тарасавай, “Папуры”, 2016), “Кастусь Тарасаў. Крывавы патоп. Выбраныя творы” (сумесна з Г. Тарасавай, “Папуры”, 2016), “Іван Навуменка. Інтэрнат на Нямізе. Аповесці і апавяданні” (разам з П. Навуменкам, “Папуры”, 2016). Уклаў і пераказаў шэраг тэкстаў у зборніках “Сіняя Світа. Казкі, легенды, паданні” (“Папуры”, 2015) і “Зачараваны Замак. Легенды, паданні, казкі, песні” (“Папуры”, 2016). Укладальнік (разам з А. Марачкіным) і адзін з аўтараў альбомаў “Жодзінцы. Жывапіс. Графіка. Мастацкае слова” (“Радыёла-плюс”, 2008), “Рыцары Пагоні і Арла” (“Радыёла-плюс”, 2010).

П’есы-казкі Ул. Сіўчыкава выходзілі на старонках часопісаў «Бярозка» (№ 4, 1990 — «Кароль і Майстра», «Вясёлка» (№ 2, 1990 — «Чаму кабета спачыну не мае», № 2, 1992 — «Тыгр-абаронца»), «Тэатральная Беларусь» (№ 2, 1994 — «Філасофскі камень»). П’есы «Лёс і Удача», «Кароль і Майстра», «Чароўны камень» ўвайшлі ў кнігу «Гульня ў тастамант» («Юнацтва», 1992), п'еса «Філасофскі камень» — у зборнік «Сучасная беларуская драматургія. Традыцыі і наватарства» («Сэр-Віт», 2003), а таксама ставіліся ў драмгуртках Барысава, Беластока, Слуцка і інш. У Беларускім тэатры лялек «Лялька» (Віцебск) з 1995 г. у перастварэнні Ул. Сіўчыкава ідзе казка ў 2-х дзеях «Хлопчык-зорка» паводле О. Уайльда.

У 1987—89 напісаў сцэнарыі і правёў тэлеперадачы «Старонкі беларуска-грузінскіх літаратурных узаемасувязей», «Дыялогі маладых перакладчыкаў» і інш., выступіў аўтарам шэрагу сюжэтаў для тэлеперадач «Ліра», «Літаратурная Беларусь», «Роднае слова», «Сустрэнемся пасля адзінаццаці».

Аўтар слоўнікаў-даведнікаў «2000 русских, 2000 белорусских идиом, фразеологизмов и устойчивых словосочетаний», «Русско-белорусский Белорусско-русский словарь фразеологизмов» (сумесна з А. Баярынай, «Папуры», 2006, 2012).

Аўтар творчых партрэтаў замежных і беларускіх мастакоў – Вінцэнта Ван Гога, Язэпа Драздовіча, Фрыды Кала, Аляксандра Ксёндзава, Аляксея Марачкіна (Алесь MaRa), Івана Міско, Ігара Рымашэўскага і інш.

Творы Ул. Сіўчыкава перакладаліся на балгарскую, грузінскую, рускую, славацкую і украінскую мовы.

Вядзе актыўную грамадскую, а таксама краязнаўчую дзейнасць (найперш па родным Жодзіне, дзе працуе ў складзе ініцыятыўных груп па ўсталяванні помніка заснавальніку горада князю Багуславу Радзівілу, а таксама надання адной з вуліц і сетцы гарадскіх бібліятэк імя пісьменніка Івана Сіняўскага).

 

Сіўчыкаў Уладзімір :: Выданьні

epub
Сіўчыкаў Уладзімір, Стрыптыз каля Белага Дома

Стрыптыз каля Белага Дома

З нізкі “Уладзевы гісторыі”

Сіўчыкаў Уладзімір

Сусед па лесвічнай пляцоўцы Віктар Х. аніяк не хацеў адпускаць, нават калі правёў іншых гасцей, са свайго дня нараджэння. – Пасядзі яшчэ – куды табе спяшаць? Два крокі – і ты дома! – Ну, тады налівай “расхадуху”! – Будзе табе яшчэ і “расхадуха”, і “аглаблёвая”, і нават “забугорная”, – гаспадар на хвіліну знік у нетрах суседняга пакоя і вынес дзве чаркі, налітыя з каптуром. – Адгадай лепей, што гэта. Я хоць і Вадалей паводле гараскопа, а... Болей »


Сіўчыкаў Уладзімір - укладаньне і прадмова, Рыцары Пагоні і Арла

Рыцары Пагоні і Арла

Сіўчыкаў Уладзімір - укладаньне і прадмова

Аснову кнігі склалі выявы славутых дзеячаў найперш беларускай і польскай гісторыі, якія стварыў знаны мастак Алесь МаRа. Выданьне адрасуецца ўсім, хто цікавіцца пытаньнямі айчыннай і еўрапейскай гісторыі і культуры. Болей »


Сіўчыкаў Уладзімір, Бюв@р

Бюв@р

Маналогі і дыялогі

Сіўчыкаў Уладзімір

У гэтай кнізе, як у бювары - папцы для захоўваньня паштовай паперы, канвертаў і карэспандэнцыі, сабраны эсэ, гутаркі і падарожныя нататкі. Але куды б ні прыводзілі ўспаміны і вандроўныя дарогі — пра ўсё празаік умее сказаць сьвежа і ўдумліва, ствараючы тонкі псіхалагічны малюнак сітуацыі. Адрасуецца аматарам прыгожага пісьменства, а найперш прыхільнікам «літаратуры факту». Болей »


Сіўчыкаў Уладзімір, Высакосны год

Высакосны год

Хоку і танка

Сіўчыкаў Уладзімір

Ёсць яна, ёсць (!) — прастора маральнай устойлівасці, у якой жывуць малюнкі разважлівых эмоцый і нараджаюцца адпаведныя гэтым малюнкам словы, і ў выніку з’яўляюцца запісы, пазбаўленыя непатрэбнага зместу. Менавіта з прасторы маральнай устойлівасці прыйшло да нас нацыянальнае хараство, і прыйшлі тыя творцы, для якіх непарушны закон: спачатку неабходна стаць чалавекам, а потым ужо паэтам, пісьменнікам... Палоннік гэтае прасторы, Уладзімір... Болей »


pdf
Сіўчыкаў Уладзімір, Лісты да брата

Лісты да брата

Проза

Сіўчыкаў Уладзімір

Як нястомны выдавец, рупны кніжнік, Уладзімір Сіўчыкаў ведае розьніцу паміж „складаньнем кніг” і складаньнем кнігі. Той адзінай, якая ня збор твораў, ня зборнік, не „Выбранае”, не анталёгія, але гэта твая кніга, чытаць якую ня стомяцца ані твой брат, ані твой рэдактар, ані ты сам. Якую можна падараваць жонцы, брату, сябру або самому сабе ў дзень Анёла. Тут давядзецца ахвяраваць, хочаш ня хочаш, асобнымі тэкстамі, прытым якаснымі. Асобны... Болей »


pdf
Ігнат Дамейка — светач сусветнай цывілізацыі

Ігнат Дамейка — светач сусветнай цывілізацыі

Матэрыялы VI Карэліцкіх чытанняў (г. п. Мір, 12 вер. 2002 г.)

Гісторыя набывае асаблівае значэнне, калі разам з вывучэннем мінулых падзей, высвятленнем гістарычнай праўды сацыяльны вопыт дапамагае будаваць сучаснасць, праектаваць перспектыву на будучыню. У чым прыклад і ўзор нам, сённяшнім, — сусветна вядомая постаць Ігната Дамейкі ? У чым актуальнасць ягонай спадчыны? Безумоўна, Ігнат Дамейка — чалавек рэнесанснага тыпу, пра якіх кажуць“тытан па сіле думкі, страсці і характару, па шматбаковасці... Болей »


pdf
Тутэйшыя

Тутэйшыя

Творчасць сяброў таварыства

Зборнік «Тутэйшыя» прадстаўляе творчасць сябраў аднайменнага незалежнага аб'яднання маладых літаратараў-нонканфармістаў. Аб'яднанне «Тутэйшыя» было заснавана ў 1987 г., праз некалькі гадоў спалучала больш за шэсць дзесяткаў літаратараў з усяе Беларусі. Гэта было не толькі і не столькі літаратурнае, колькі грамадска-палітычнае аб'яднанне. Што да літаратуры, то даследчык айчыннага літаратурнага працэсу Максім Шчур сярод галоўных заслуга... Болей »


pdf
Дзеяслоў, 107

Дзеяслоў

Лiтаратурна-мастацкі часопіс

107

Часопіс “Дзеяслоў” выходзіць у Беларусі зь верасьня 2002 года. За адносна кароткі час “Дзеяслоў” здолеў заваяваць папулярнасьць і вядомасьць у краіне. “Дзеяслоў” сёньня – самае аўтарытэтнае літаратурна-мастацкае выданьне Беларусі. Вакол “Дзеяслова” аб’ядналіся самыя знакамітыя ў Беларусі пісьменьнікі, а таксама самыя перспектыўныя маладыя аўтары. “Дзеяслоў”, па сутнасьці, застаецца адзінай альтэрнатывай дзяржаўным літаратурна-мастацкім ... Болей »


pdf
Дзеяслоў, 105

Дзеяслоў

Лiтаратурна-мастацкі часопіс

105

Часопіс “Дзеяслоў” выходзіць у Беларусі зь верасьня 2002 года. За адносна кароткі час “Дзеяслоў” здолеў заваяваць папулярнасьць і вядомасьць у краіне. “Дзеяслоў” сёньня – самае аўтарытэтнае літаратурна-мастацкае выданьне Беларусі. Вакол “Дзеяслова” аб’ядналіся самыя знакамітыя ў Беларусі пісьменьнікі, а таксама самыя перспектыўныя маладыя аўтары. “Дзеяслоў”, па сутнасьці, застаецца адзінай альтэрнатывай дзяржаўным літаратурна-мастацкім ... Болей »


pdf
Дзеяслоў, 104

Дзеяслоў

Лiтаратурна-мастацкі часопіс

104

Часопіс “Дзеяслоў” выходзіць у Беларусі зь верасьня 2002 года. За адносна кароткі час “Дзеяслоў” здолеў заваяваць папулярнасьць і вядомасьць у краіне. “Дзеяслоў” сёньня – самае аўтарытэтнае літаратурна-мастацкае выданьне Беларусі. Вакол “Дзеяслова” аб’ядналіся самыя знакамітыя ў Беларусі пісьменьнікі, а таксама самыя перспектыўныя маладыя аўтары. “Дзеяслоў”, па сутнасьці, застаецца адзінай альтэрнатывай дзяржаўным літаратурна-мастацкім ... Болей »


Першая   Папярэдняя   [1-6]   Наступная   Апошняя