Болбас Вадзім

Вадзім Іванавіч Болбас – паэт, перакладчык, эсэіст, празаік.

Пасля заканчэння сярэдняй школы ў 1959 годзе паступіў на першы курс гідрамеліяратыўнага факультэта Беларускай сельскагаспадарчай акадэміі ў г. Горкі Магілёўскай вобласці. Правучыўшыся ў акадэміі адзін курс, у 1960 годзе быў адлічаны па ўласнаму жаданню і ў тым жа 1960 годзе паступіў на першы курс хімічнага факультэта Беларускага дзяржаўнага універсітэта, які закончыў у снежні 1965 года па спецыяльнасці: “Хімік. Са спецыялізацыяй па хіміі высокамалекулярных злучэнняў”. Падчас вучобы пачаў пісаць першыя свае вершы, якія не захаваліся.

У студзені 1966-га года быў прызваны ў Савецкую армію. Служыў у танкавым палку Полацкай дывізіі шэраговым, дэмабілізаваны ў сьнежні гэтага года. Тады ж пераехаў у горад Светлагорск па размеркаванні на Светлагорскае Вытворчае Аб’яднанне “Хімвалакно”. На гэтым аб’яднанні працаваў на розных пасадах, спачатку ў кіслотных цэхах, затым ва ўпраўленні аб’яднання да 1990г. Затым працаваў у экалагічнай лабараторыі, на Сьветлагорскай ЦЭЦ. З 2001 года на пенсіі.

З жонкай Болбас (у дзявоцтве Усаевіч) Данутай Вацлаваўнай жыве 57 гадоў, маем двух дарослых сыноў, дарослага ўнука , ўнучку-школьніцу і двух праўнукаў.

Больш стала пачаў пісаць, перакладаць паэтычныя творы з польскай, рускай і украінскай моваў з 90-х гадоў мінулага стагоддзя. Пішу на беларускай мове, пераважна класічным правапісам.

Акрамя літаратуры, мае захапленні гэта спорт, спартовы турызм, вандроўкі, гісторыя, археалогія. Быў некалькі разоў чэмпіёнам і прызёрам чэмпіянатаў Беларусі ў розных відах спартовага турызму. З 1993 году ў Партыі БНФ - быў сябрам Сойму Партыі. Сябра ТБМ імя Ф. Скарыны, сябра БАЖ.

Жыву ў Светлагорску.

 

Болбас Вадзім :: Выданьні

Болбас Вадзім, Забытыя прывіды мрояў

Забытыя прывіды мрояў

Болбас Вадзім

У кнігу ўвайшлі тэксты, напісаныя ў розны час. Пераклады твораў сусьветна вядомага польскага паэта Канстанты Ільдэфанса Галчыньс-кага зробленыя паводле выданьня: Konstanty Ildefons Gałczyński, POEZJE. Czytelnik. Warszawa, 1973. Асобныя з гэтых твораў публікаваліся ў газэтах “Наша Ніва”, “Сям’я”, а таксама ў друкаваных выданьнях места Сьветлагорску. Болей »


epub
Болбас Вадзім, Сезонныя згадкі

Сезонныя згадкі

Болбас Вадзім

“Купалінка, купалінка-цёмная ночка…” – сьпявае хлопчык. Ты сядзіш у другім пакоі за сталом. Чуеш, што малы сьпявае не зусім так, як трэба, псуе мелодыю. Просіш яго паслухаць і пачынаеш сьпяваць так, як табе здаецца правільным. “Купалінка, Купалінка – цёмная ночка. Цёмная но-о-очка, а дзе ж твая дочка? Вочы засьцілае салёны туман! Гэта ж нехта зьвяртаецца да Купалінкі – тваёй маці, дзе ж яе дочка –твая малодшая сястра?! (фрагмент) Болей »


pdf
Дзеяслоў, 08

Дзеяслоў

Літаратурна-мастацкі часопіс

08

* Teda Lee, Каляндарык сярэдзіна кастрычніка * Багданава Галіна, Ключ да Залюстроўя * Болбас Вадзім, Сезонныя згадкі * Быкаў Васіль, Парадоксы жыцьця * Васілеўскі Пётра, Зорны кантэкст для "Пагоні" * Гілевіч Ніл, А сьвятло ўсё ідзе * Домаль Рэне, Паэзія чорная і белая * Дранько-Майсюк Леанід, Пенсіянер * Жуэ Жак, Падземкавыя вершы * Замкавец Уладзімір, У кіпцюрах таталітарызму * Клімус В... Болей »