be

Арцюх Зміцер

Арцюх Зміцер

Зміцер (Дзмітрый Уладзіміравіч) Арцюх нарадзіўся 2 сакавіка 1978 года ў вёсцы Рутка Навагрудскага раёна Гродзенскай вобласці ў шматдзетнай сялянскай сям’і.

У 1995 годзе скончыў Ваўкавіцкую сярэднюю школу. Падчас вучобы працаваў над школьнай насценгазетай “Жыве Беларусь!”, якую арганізаваў настаўнік матэматыкі і самадзейны кампазітар Гродзеншчыны Мікалай Балай. Таксама Зміцер удзельнічаў ва ўсіх школьных і раённых конкурсах мастацкай самадзейнасці, атрымаў ганаровую грамату Навагрудскага раённага аддзела культуры на раённым конкурсе чытальнікаў, з 1990 года пачаў друкавацца ў раёнцы з літаратурнымі і журналісцкімі матэрыяламі.

Першы верш “У лесе” быў напісаны з дапамогай Мікалая Балая. Адразу ж пасля заканчэння школы ў 1995 годзе паступіў у Мінскі педагагічны каледж імя Максіма Танка, дзе пад уплывам выкладчыкаў мовы і літаратуры сцвердзіўся як творчы чалавек. У 1998-ым атрымаў спецыяльнасць настаўніка беларускай мовы і літаратуры. Быў рэдактарам газеты навучэнцаў педкаледжа “Крылы”, якая друкавалася на старонках “Настаўніцкай газеты” і насценнай газеты “Наша слова”. Пачаў супрацоўнічаць з кампазітарам Уладзімірам Сарокіным і ансамблем “Сябры”, Алесяй, Ірынай Дарафеевай.

У 2003 годзе скончыў факультэт журналістыкі Беларускага дзяржаўнага універсітэта (кафедра радыё і тэлебачання). Працаваў карэспандэнтам Беларускага радыё, рэдакцыі грамадскіх і сацыяльна-эканамічных праграм, на БТ рэдактарам аддзела рэпарцёраў, выпускаючым рэдактарам АТН. Друкаваўся ў часопісах “Першацвет”, “Алеся”, “Маладосць”, “Полымя”, газетах “ЛіМ”, “Голас Радзімы”, перыядычным друку, калектыўных зборніках “Літаратурны квартал”, “Дзень паэзіі”, “Свет на дваіх”. Быў аўтарам рубрык “Моладзь ідзе” (газета “ЛіМ”), “Паэтычны чацвер” (газета “Голас Радзімы”) (разам з Аксанай Спрынчан), “Максіма маладых” (газета “Культура”) (разам з Дар’яй Амяльковіч), “Паэтычны букет” (часопіс “Промышленная безопасность”).

З 2002 па 2006 год Зміцер Арцюх з’яўляўся сябрам суполкі маладых творцаў “Літаратурнае прадмесце”. З 2005 года пачаў праводзіць штогадовую літаратурна-музычную імпрэзу “Творчыя сустрэчы на Радзіме” (Наваградак).

Аўтар кнігі вершаў “Вясна ў кароткім паліто...” (2006 год, “Мастацкая літаратура”). З ліпеня 2005-га па кастрычнік 2009-га працуе старшым карэспандэнтам у часопісе “Промышленная безопасность”. Некалькі вершаў перакладзены на балгарскую і рускую мовы. Друкуецца ў перыядычных выданнях, выступае на літаратурных імпрэзах. Адзін з дырэктароў Паэтычнага тэатра “Арт.С” (www.art-s.by). З 2009 года ў якасці аўтара (вядучага) тэлевізійных дакументальна-публіцыстычных фільмаў пачынае супрацоўнічаць з дабрачынным фондам “Спас” (Нью-Йорк) і Інфармацыйным Агенцтвам Беларускай Праываслаўнай Царквы. Адзін з аўтараў сцэнара дакументальнага фільма “Навагрудская Галгофа” (2009 год). Праяўляе сябе і ў драматургіі.

З лістапада 2009 года жыве ў гістарычнай сталіцы – Новагрудку, працуе ў Навагрудскай епархіі Беларускай Праваслаўнай Царквы.

Арцюх Зміцер. Выданьні

Вясна ў кароткім паліто...
pdf epub mobi fb2

Вясна ў кароткім паліто...

Вершы
Арцюх Зміцер

У сваёй першай кнізе “Вясна ў кароткім паліто...” аўтар параўноўвае каханне з порамі года. Гэта і вясна, калі нараджаецца пачуццё, і лета, калі яно развіваецца, і восень, калі згасае, і зіма, калі яго прыходзіцца чакаць. Але, як і ў прыродзе, у жыцці таксама бывае вясна зімой і зіма летам. Назіраючы... Болей »

Маладосць 10 (695) 2011
pdf

Маладосць 10 (695) 2011

Штомесячны літаратурна-мастацкі і грамадска-палітычны ілюстраваны часопіс

АРЦЮХ Зміцер, Напамін. Вершы ВЯРОЎКІН Алесь, Кароткія апавяданні ГАПЕЕЎ Валерый, Трафік для паэта. Аповесць Дзянісава Святлана, «Чаму гэта здарылася са мной?..» Жвалеўскі Андрэй, Пастарнак Яўгенія, Гімназія № 13. Раман-казка. Працяг Караткевіч Уладзімір, Браслаўе КРЫВАШЭЙ... Болей »

Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org