- Kamunikat.org
- Бібліятэка
- Кнігазборы
- Калекцыі
- Іншае
У філянговыя дзверы пастукалі, прымусіўшы старшага оперупаўнаважанага Ніжне-Амурскага папраўча-працоўнага лагера лейтэнанта Вілорка Шпіндлера адарвацца ад папер і разагнаць рукой папяросны дым. Акно не адчыніш – адразу наляціць машкара. А яна ў гэтым годзе як ніколі злая і галодная. – Ну? – Дазвольце, таварыш лейтэнант? – у праём сунуў галаву вусаты канваір з ППШ. – Рабухіна прывёў. – Заводзь, – Шпіндлер прыбраў кардонную папку з крымінальнай справай у сярэднюю шуфляду і зашпіліў верхні гузік кіцеля. Смерць Вялікага Правадыра і Настаўніка таварыша Сталіна – не падстава дазваляць зняволеным усумніцца ў цвёрдасці Савецкай улады. – Сядайце, грамадзянін Рабухін. (фрагмент)