Пісьменства ў халодным клімаце

Гэта кніга ў пэўным сэнсе вянчае сабою распачаты ў 70-х гг. XX ст. праект, які мае на мэце пазнаёміць англамоўных чытачоў з малавядомай і несправядліва абыдзенай увагай літаратурай. У назве маёй першай кнігі з названай серыі таксама прысутнічала фраза „да нашых дзён”, але з таго часу ў Беларусі шмат змянілася, прычым не толькі ў палітычным і геакліматычным становішчы, але і ў літаратурным працэсе. Сярод іншага, пісьменнікі цяпер нашмат глыбей усведамляюць, што па-за Беларуссю існуе іншы шырэйшы свет, а беларуская літаратурная крытыка часткова асталела. Як і ў маіх папярэдніх кнігах, некаторыя аўтары аб’ядноўваюцца разам, некаторыя разглядаюцца асобна, а найбольш значным фігурам прысвячаюцца адмысловыя раздзелы. Таксама ў асобных раздзелах разглядаюцца дзве найболын значныя новыя літаратурныя суполкі гэтага перыяду, розныя формы драматургіі і пазасталічныя пісьменнікі. Аднак названыя суполкі — не замкнёныя, і для кнігі гэткага памеру надзвычай патрэбны паказальнік імёнаў. (Прадмова, фрагмент)

• Месца выхаду: Białystok
• Дата выхаду: 2011
• Выдавец: Wydawnictwo Orthdruk
• Памеры: 910 с.
• ISBN: 978-83-89396-55-6
• Катэгорыя: Гісторыя, Мэтадычная літаратура
• Copyright: © 2011 by prof. Arnold McMillin
• Кнігазбор:
  • прыватны кнігазбор у Беластоку (папяровы асобнік)
• Дадатковая даведка: Святлане, якая заўсёды надзейна мяне падтрымлівае