Жаночая логіка

Жывот выпірае на ўсе восем месяцаў — чыста пінгвін! Дзіця, вагой у чатыры з паловай кілі, не схаваеш, трэба б скінуць лішак вагі — патрабуе доктар, ды так хочацца салёнага! Як вынік — піць, потым салодкага кісленькім шліфанеш — яшчэ кіля на вагах. «Кафэ-бар», — чытаю, аж заказытала пад лыжачкай! У Наваполацку, калі вучыліся ў музычнай вучэльні, бегалі пасля стыпендыі ў бліжні павільёнчык «Марозка» ці дальняе кафэ «Пралеска» выпіць малочнага кактэйлю «Пінгвін». На абедах зэканоміш — але купіш некалькі порцый, паспытаць рознага гатунку. Гадоў пяць не сустракала любімы ласунак, і вось прыехала ў сталіцу! Як убачыла шыльду «Кафэ-бар», не адышлася ад дзвярэй, дачакалася адкрыцця і прамым ходам да стойкі. (Пінгвін, фрагмент)

• Дата выхаду: 2020
• Катэгорыя: Мастацкая літаратура
• Copyright: © 2020 by Людміла Андзілеўка
• Кнігазбор: Kamunikat.org
• Дадатковая даведка: Падрыхтаванае на падставе: Андзілеўка Людміла, Няхай выбачае юнацтва. Кніга прозы, — Мінск: Кнітазбор, 2020. — 144 с.