Вечарына “Год сонечнага павука”

Вечарына “Год сонечнага павука”


У Беларусі на Каляды існуе традыцыя спальваць леташняга саламянага “павука”. Новага вешалі ў хаце на ранейшым месцы да наступных Калядаў.

Чаму так адбывалася штогод, распавядае этнадызайнер Валянціна Лойка.

– Уявіце сабе, вось у гэты год вырасла жыта такой вышыні. Гэты памер нарадзіла зямля, вада, сонца. І ўсе памеры ад яго будуць кратныя гэтаму, і гэты “павук” будзе гэтага году. На наступны год вырасла такое жыта, такой вышыні, і гэты памер адпавядае другому году. І бачыце, якая недарэчнасць, узяць мінулагодні перакідны каляндар і павесіць, ну, гэта было б проста смешна чалавеку з мінулага, а мы такія разумныя, так, яму б было смешна трымаць “павука” з другога году – там іншыя памеры.

Валянціна Лойка распавяла пра традыцыю вырабу саламяных “павукоў” на вечарыне “Год сонечнага павука” паэтычнага тэатру АРТ-С, што адбылася ў сталічнай бібліятэцы імя Цёткі.

Максім Каўняровіч, Беларускае Радыё Рацыя, Менск

Крыніца: Беларускае Радыё Рацыя