«Бязродны касмапаліт» Кім Хадзееў ды іншыя

Навукова-папулярны зборнік «Бязродны касмапаліт Кім Хадзееў ды іншыя» — 9-я кніга серыі «Беларуская турэмная літаратура». Яе ўкладальнік гісторык Уладзімір Валодзін даследуе тэму рэпрэсій за іншадумства ў савецкія часы і раскрывае малавядомыя дэталі пераследу прадстаўніка мінскага андэграўнду Кіма Хадзеева (1929–2001): адлічэнне з універсітэта, дзве крымінальныя справы 1951 і 1962 гадоў, зняволенне ў псіхіятрычнай бальніцы. У зборніку даецца шырокі кантэкст падзей (кампанія па барацьбе з «касмапалітызмам», самвыдат). Сярод дзейных асоб — Павел Уліцін, Юрый Айхенвальд, Аляксандр Асаркан... Большасць дакументаў публікуюцца ўпершыню. Падобнае навукова-папулярнае выданне ўпершыню выйшла ў серыі «Беларуская турэмная літаратура».

• Месца выхаду: Мінск
• Дата выхаду: 2020
• Выдавец: Праваабарончы цэнтр Вясна
• Памеры: 220 с.
• Катэгорыя: Гісторыя, Правы чалавека, Грамадзтва
• Copyright: © 2020 by Уладзімір Валодзін - укладанне, прадмова, каментар, Віктар Корзун - афармленне серыі
• Кнігазбор: Kamunikat.org
• Дадатковая даведка: Дазволена капіраванне ў некамерцыйных мэтах згодна з ліцэнзіяй Creative Commons BY-NC-ND 4.0 (падрабязнасці на с. 220). У афармленні вокладкі выдання выкарыстаны здымак вокладкі асабовай справы Кіма Хадзеева, на адвароце — фотаздымак з яго залікоўкі.