Belarus Live 06.03.2009

Нечаканасьцю тыдня стала адмена ў апошні момант візыту ў Менск эўракамісара ў пытаньнях замежных сувязяў і палітыкі добрасуседзтва Бэніты Фэрэра-Вальднэр. Раней было анансавана, што яна мае знаходзіцца ў беларускай сталіцы 12—13 сакавіка. Але 11 сакавіка беларускі кіраўнік Аляксандар Лукашэнка раптоўна вылецеў на перамовы ў Армэнію. У той самы дзень МЗС Беларусі паведаміў пра перанос візыту Фэрэра-Вальднэр на красавік. Сама эўракамісарка патлумачыла, што ёсьць патрэба дадаткова прапрацаваць некаторыя пытаньні зь ліку тых, якія яна зьбіраецца абмеркаваць зь беларускім бокам. Неафіцыйна брусэльскія крыніцы сьцьвярджаюць: візыт быў затарможаны пасьля таго, як зь Менску прыйшоў сыгнал, што сустрэча эўракамісаркі з кіраўніком краіны можа не адбыцца.

• Месца выхаду: Мінск
• Дата выхаду: 2009-03-06
• Copyright: © 2006-2009 by Belarus live
• Кнігазбор: Kamunikat.org
• Дадатковая даведка: http://belarus-live.eu