Неўдах Лявон

Член Саюза беларускіх пісьменнікаў. Нарадзіўся 07. 08. 1947 г. ў в. Радчыцк Столінскага раёна Брэсцкай вобласці. Скончыў Мінскі палітэхнікум (1962), Полацкі нафтавы тэхнікум (1966), БДУ (1981). Працаваў аператарам на Наваполацкім нафтаперапрацоўчым заводзе. З 1974 г. ў Наваполацкай гарадской газеце “Химик”, з 1995 г. да закрыцця быў яе галоўным рэдактарам. Член Беларускага ПЭН-цэнтра, Саюза журналістаў Беларусі. Друкаваўся ў часопісах “Маладосць”, “Полымя”, газеце “Літаратура і мастацтва “.

Адзін з аўтараў калектыўных зборнікаў “Першыя сцежкі”, “Дзвіна”, аўтар кніг: прозы – “Формула дабрыні”(1989), “Бумеранг” (2003), паэзіі “Чорнае святло (1998). Перакладаўся на славацкую мову.

 

Неўдах Лявон :: Выданьні

Неўдах Лявон, Каханак восені

Каханак восені

Кніга пачуццяў

Неўдах Лявон

Трагізм вершатворцаў заключаецца ў ігнараванні імі той простай ісціны, што для таго, каб слыць паэтам, тым больш песняром, мала аднаго валодання майстэрствам вершаскладання. Нават віртуозным. Самая высокая паэзія – матчыны пацеры. У роздуме пра такі стан, пра мастацкае выяўленне душы сродкамі пачуццяў і нараджалася гэтая кніга. Болей »


Неўдах Лявон, Бумеранг

Бумеранг

аповесці

Неўдах Лявон

На пераломе 80-90-х гадоў мінулага стагоддзя распалася і знікла са свету вялікая таталітарная краіна, што пацягнула за сабою яшчэ большую трагедыю - разбурэнне людскіх душ, выхаваных сродкамі нагнятання страху і пакарання ва ўмовах таго дзяржаўнага ладу. Ахвярамі тагачаснага трагічнага працэсу і зьяўляюцца гэроі аповесцяў, якія складаюць змест гэтай кнігі. Болей »


Неўдах Лявон, Чорнае святло

Чорнае святло

Вершы

Неўдах Лявон

Сэнс гэтай кнігі пакутны роздум аб месцы ў жыцці ў перыяд вялікіх дзяржаўных і палітычных крушэнняў 90-х гадоў. Свае думкі, свае перажыванні выказаў аўтар, мусіць, самай дахолівай і эмацыя-нальнай мовай - мовай паэзіі. Выказаў па-свойму, таленавіта і ярка. Зрэшты, чытач сам пераканаецца ў гэтым. Болей »


Дзеяслоў, 10

Дзеяслоў

Літаратурна-мастацкі часопіс

10

* Адамовіч Славамір, Сны эмігранта * Акудовіч Валянцін, Вялікая здрада * Акуліч Алесь, Захаваць сваё нацыянальнае "Я" * Арсеньнева Натальля, "Не наракаю на долю..." * Барадулін Рыгор, На ўскрайку Вечнасьці * Быкаў Васіль, Прыпавесьці\ * Васючэнка Пятро, Пятрогліфы і філалагемы * Драч Іван, Душа * Іпатава Вольга, З напятай боскай цецівы... * Карамазаў Віктар, Гарачая кроў Джото * Кіт Бары... Болей »