Айчына

Беларусь - еўрапейская краіна з багатай і слаўнай гісторыяй. Больш за 1000 гадоў таму ўжо існавала першая старажытнабеларуская дзяржава -- Полацкае княства. Наша дзяржаўнасць працягвалася ў Вялікім Княстве Літоўскім, дзе панавала беларуская культура, а беларуская мова была дзяржаўнай. Гэтая кніга распавядзе вам пра знакамітыя падзеі і славутых асобаў тых далёкіх часоў, пачынаючы ад князя Рагвалода і княгіні Рагнеды да кіраўніка вызвольнага паўстання 1794 года, нашага суайчынніка Тадэвуша Касцюшкі. Вас чакае сустрэча з вялікай галерэяй гістарычных герояў: палітыкаў і вайскаводаў, паўстанцкіх правадыроў і асветнікаў, паэтаў і вучоных. Вы пабываеце на палях Грунвальдскай і Аршанскай бітваў, пройдзеце па вуліцах старажытных беларускіх гарадоў, наведаеце шляхецкі маёнтак і пасядзіце за сялянскім сталом. Кніга "Айчына" красамоўна паказвае, што ў нас, беларусаў, еўрапейская гісторыя, якая абавязкова павінна прывесці нас у еўрапейскую будучыню.

• Месца выхаду: Беласток
• Дата выхаду: 2022
• Рэдактар: Стэпанюк Лукаш - запіс, Астасевіч Адам - мантаж
• Выдавец: Фонд Kamunikat.org
• Памеры: 07:00:00
• Катэгорыя: Гісторыя, Мастацкая літаратура, Відэа
• Copyright: © 2022 by Уладзімір Арлоў, Фонд Kamunikat.org, Асацыяцыя „Міжнародны саюз беларускіх піьсменнікаў”
• Кнігазбор: Kamunikat.org
• Дадатковая даведка: Чытае Аўтар, Музыка: Тройца, Прадусар Яраслаў Іванюк