У Расеі арыштавалі 7 беларусаў, якія шукалі там прытулку

2021-04-24 12:43

Пасьля пратэстаў у Беларусі некаторыя іх удзельнікі, асьцерагаючыся перасьледу, уцяклі ў Расею. Аднак там іх арыштавалі на запыт Беларусі, і цяпер яны за кратамі чакаюць рашэньня аб экстрадыцыі на радзіму, дзе на іх завялі крымінальныя справы.

На сёньня вядома пра 7 беларусаў, якім пагражае высылка ў Беларусь

    Вадзім Дубойскі (Берасьце)
    Андрэй Казіміраў (Берасьце)
    Яўген Шабалюк (Берасьце)
    Аляксей Кудзін (Маладэчна)
    Сяргей Непагода (Маладэчна)
    Андрэй Прылуцкі (Салігорск)
    Мікалай Давідчык (Ліда)

Усяго ў 2021-м СК Беларусі паслаў у Расею запыты на экстрадыцыю 39 чалавек. Акрамя гэтага, у Латвію пасланы запыт на экстрадыцыю былога кандыдата ў прэзыдэнты Валера Цапкалы, у Літву — на Сьвятлану Ціханоўскую, у Польшчу — на Сьцяпана Пуцілу і Рамана Пратасевіча (стваральнікаў тэлеграм-канала, прызнанага ў Беларусі экстрэмісцкім), блогера Антона Матольку.

Усе заходнія краіны адказалі адмоўна, пагроза выдачы застаецца найбольш імавернай толькі з Расеі.

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк