У Празе адкрыецца выстава памяці Ларысы Геніюш

2023-04-12 11:51

У сераду, 12 красавіка, у Празе адкрываецца выстава „Толькі ў Чэхіі я была цалкам беларускай”, прысвечаная Ларысе Геніюш. На адкрыцці будзе акцыя памяці спадарыні Ларысы, на якую завітае ўнук Міхал Геніюш, паведамляе тг-канал „Беларусы Замежжа”.

Пісьменнік Уладзімір Арлоў згадае, як Беларусь развітвалася з ёй 40 гадоў таму.

Даследчыкі Пётр Гаўлічак і Сяргей Кнырэвіч дададуць гістарычнага кантэксту, а перакладчык Макс Шчур абяцае прэм’еру паэтычных перакладаў на чэшскую.

Выдавец Іржы Браўнэр і перакладчыца Святлана Вранава прэзентуюць чэшскае выданне мемуараў „Споведзь”.

Мерапрыемства адбудзецца 12 красавіка а 16-й гадзіне па адрасе:

Národní knihovna ČR (Zasedací sál, vchod A, 1 patro), Klementinum 190, Praha 1.

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк