Фонд «Тutaka» правядзе дэкламатарскі конкурс
2022-01-12 14:48
Фонд «Тutaka», які дзейнічае на Беласточчыне, пачынае здзяйсняць сваю праграму на новы 2022 год. Сёлета Фонд пашырыць сваю дзейнасць. Да ранейшых фестываляў далучацца новыя мерапрыемствы.
Кажа кіраўнік Фонду Павел Станкевіч:
– Будзем абвешчаць дэкламатарскі конкурс для дзяцей, моладзі і дарослых. Фінал гэтага конкурсу будзе адбывацца 21 лютага, гэта дзень роднай мовы. Але этапы конкурсу пачнуцца раней. І конкурс будзе адкрыты для ўсіх, любы жадаючы можа ўзяць у ім удзел. Першая частка будзе ў фармаце анлайн. А пазней запросім фіналістаў, каб ў лялечным тэатры паспрабавалі свае сілы.
Сярод планаў Фонду «Тutaka» – правядзенне музычнага фестывалю Абуджаных «Тutaka» ў Гарадку і бардаўскага фестывалю ў Бельску Падляшскім. Але, як паведаміў Павел Станкевіч, у фармат гэтых фестываляў плануецца ўнесці змены.
Беларускае Радыё Рацыя