be
pdf

Слова Жыцця 20 (549) 2020

Газета Гродзенскай Дыяцэзіі

Напэўна, ужо прызвычаіліся, што на кожным кроку рэклама заклікае нас атрымліваць асалоду ад жыцця, не скупіцца і набываць рэчы,“распрацаваныя на аснове найноўшых тэхналогій”. Сённяшняя цывілізацыя – гэта, у пэўным сэнсе, цывілізацыя валодання і навізны. Такім чынам, дарога да сквапнасці ўжо зусім блізкая, а пасланне Езуса “Глядзіце, сцеражыцеся ўсялякай прагнасці” (Лк 12, 15) – вельмі адназначнае. Зразумела, усе гэтыя матэрыяльныя даброты – для нас. Справа не ў тым, што павінны ад іх цалкам адмовіцца. Бог не стварыў нас для жыцця ў змярцвенні. Ён хоча, каб мы цешыліся жыццём, паўнатой гэтага жыцця. Але што з таго, калі будзем мець выдатны камп’ютэр, добры веласіпед ці сучасны аўтамабіль, калі не будзем мець сапраўды важнага ў Божых вачах? Адно можна сказаць напэўна: калі будзем прытрымлівацца каштоўнасцей праўды і дабра, то зробім добрую і правільную інвестыцыю. Тады станем багатыя перад Богам, а Ён прагне менавіта гэтага. Адсюль і Яго план, значна больш прадуманы, чым можа здавацца. Пан даў нам даволі добрыя “інструменты” для барацьбы з прагнасцю: мудрасць, розум, раду і малітву. Маем і яшчэ адзін цудоўны дар ад Творцы: асвячальную ласку, якая змяняе, развівае і ўмацоўвае. Калі будзем клапаціцца пра тое, каб не страціць гэты дар, нам будзе лягчэй ісці за Езусам і быць багатымі ў Божых вачах. Таму засяродзім увагу на духоўных каштоўнасцях і заўсёды будзем імкнуцца да таго, што ў вышынях, а не да зямнога (параўн. Кал 3, 1 –2).

Каталёг: Kamunikat.org
Пэрыёдыка: Слова Жыцця
Выдаўцы і выдавецтвы: курыя Гродзенскай Дыяцэзіі
  • Месца выхаду: Гродна
  • Дата выхаду: 2020-11-08
  • Рэдактар: Місевіч Віктар
  • Выдавец: курыя Гродзенскай Дыяцэзіі
  • Copyright: © 2021 by Слова Жыцця
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org