Беларусы ў свеце

Як і раней, на нашым сайце можна аператыўна даведацца пра навіны з жыцця беларусаў і беларускіх суполак за мяжой, атрымаць анонсы важных падзей у беларускай эміграцыі і прачытаць пра важныя для беларусаў замежжа падзеі на Радзіме. І, вядома, таксама атрымаць інфармацыю пра бягучую дзейнасць Згуртавання беларусаў свету “Бацькаўшчына”. Цягам некалькіх тыдняў сайт будзе працаваць у тэставым рэжыме. Пакрысе будуць дадавацца новыя раздзелы – архіў нумароў бюлетэню “Беларусы ў свеце”, “Бібліятэка Бацькаўшчыны”, агляды папярэдняй дзейнасці, справаздачы са З’ездаў беларусаў свету, кантакты суполак і г.д. Мы спадзяемся,што новы сайт будзе зручным у карыстанні і паспрыяе яднанню раскіданых па свеце беларусаў і беларусак.